Brings Songtext: Jeschriffe in’t Jeseech

Lang wors du fott Jung
Jetzt biste widder do
Janz ohne Jepäck
Noh all der Johr

Bis janz schön alt jewode
Ich han dich nit erkannt
Du bis ja uch an mir
Vorbeijerannt

Wirklich joode Fründe
Vielleich ze vill jesaat
Mo kennt sich un mo sieht sich
Früher jeden Daach
Wat wor passeet?
Die Lück, die schwaade vill
Jede Menge Kohle
Un uch die Bulle woren im Spill

    Denks‘ du, et steht dir
    Jeschriffe in’t Jeseech…
    Du bis widder druße
    Mieh interessiert mich nit

Soll ich mit dir schwaade
Oder halt ich mich do ruß
Rennst du nur so rüm
Oder kannst du noh Huus

Ich will nit su dunn
Als ob mer uns nit kenne
Op der Boddem jlotze
Un einfach wigger renne

    Denks‘ du, et steht dir
    Jeschriffe in’t Jeseech…

Is wohl dumm jelaufe
Su wie du ussühst
Konntest nix bunkern
Vun dem janze Kies

Vun dem janze Kies

    Denks‘ du, et steht dir
    Jeschriffe in’t Jeseech…

Schreibe einen Kommentar

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.