Brings Songtext: Keine Fröhling in Kalk

Wat willste he noch schwaade
Is doch alles längst jesaat
Un die Würfel
Sin jefalle

Wie ne Blitz us heitrem Himmel
Un su falsch wie en Schlang
Se han üch
Alles jenumme

Dat wor am eezte Fröhlingsmorje
Noh nem Winter, lang un jrau
Doch die Kält sull noch kumme
Et jit keine Fröhling in Kalk

    Bloot wie Diesel un en Siel us Stahl
    Hätt nix jenütz, et wor janz ejal
    Bloot wie Diesel un en Siel us Stahl
    Du jes zur Schicht, zum allerletzte Mol

Die Zeitung an dem Morje
Wie en Schlach in et Jeseech
Üm dich rüm
Wod alles still

Wat jestern noch ding Welt wor
Sull morje alles fott
Maloche, ’ne Blaumann
Un Traktore

Doch ’ne Baum, dä hätt sing Woozel
Un die jon deef in die Äd
Kann sin, dat manch einer vun denne
Nur et Wasser vum Rhing verträgt

    Bloot wie Diesel..

Noh nem lange Winter
Wod et endlich wärm
Nur üver Kalk
Hängk ’ne fiese Rään

Noh ’nem lange Winter
Kütt die Sunn eruss
Mit der nächsten Schich
Is für immer Schluß

    Bloot wie Diesel…

Schreibe einen Kommentar

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.