Brings Songtext: Koot oder lang

Du kenns dich us, du kenns die Lück
du küss hier her un du weiss wä es wä
bes jeden Daach, neu informiert
et is jot, wenn mer sich interessiert
Du weiss jenau, vun wem die Frau
jeden Ovend d’r Nohbor besöck
se kumme all in ding Trinkhall
un se bringe dann uch noch jet mit

Se kaufe nit nur Kippe, se suffe nit nur Bier
e Stück vun jedem Lääve, dat losse se bei dir
Dä eine hät jewunne, dä andre söck sing Frau
Un wo die jrad steck, dat weiss du janz jenau

Ob koot oder lang, met Hätz oder bang
ob rich oder ärm, ding Bud is immer wärm
ob Kölsche oder fremd, ob Blaumann oder Hemp
ob jrön wie die Schmier, se kumme all zu dir

Un dann um zwölf, vör’m neue Daach
mähste zo, denn uch du bruchs jet Schlof
Denn morje fröh, su jäje sechs, steihst du dann widder parat

Der neuste Film jebrannt, sujar op DVD
un us Istambul, en Trikot vum FC
selvs der ahle Freud wor ne Stümper jäje dich
denn du loorst dä Lück nur eimol in’t Jeseech

Ob koot oder lang……

Schreibe einen Kommentar

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.