Brings Songtext: Loss mer danze

Du weiß ich kann nit Danze
ich bin´ene stiefe Bock
drum drieh dich nit su schnell he
in dingem koote Rock
Ich sinn alles verschwomme
die Welt se flüch vorbei
du häs mich bei de Häng
et is mir einerlei
Et jeht jetz drup un drunger
ich danz mit dir su jän
un loor in dinge Auge
die funkele wie Stän
Mir zwei mir sin im Himmel
un danze op dem Mond
mir danze immer wigger
du deis mer wirklich jot

Kumm loss mer danze
ich will kein Zick verliere
kumm loss mer danze
un immer wigger fiere
mach die Auge zo
die janze Welt se drieht sich öm uns zwei

Die Party is am Engk he
mir zwei mir jon noh Huus
ich künnt dich he schon fresse
ich halt et nit mieh us
Mir laufe immer schneller
bes zo dinger Dür
do jeffste mir ne Kuss
un säss janz leis ze mir.

Kumm loss mer danze…

Schreibe einen Kommentar

This site uses Akismet to reduce spam. Learn how your comment data is processed.