Brings Songtext: Pap

De Naach es lang.
Un ich setz he vör mingem Desch.
Sin di Bild vör meer un hör ding Wöder noch.
Nor e Leed, e paar Akkorde un en Melodie.
Dat es alles, Pap – doch et es för dich.

Ich han dich jän, wie de Sonn am Dach un Naaks de Stän‘.
Wie d’r nöchste Morje, dä doh wohl secher kütt.
Och wenn ich mänchmol jet Angs dovör han.
Pap, ich han dich jän, wie de Sonn am Dach un Naaks de Stän.

Mer hatte Zigge, wärm wie ne Sommerdach.
Allt lang verjesse all dat Leid un all die Ping.
Et es schwer för dich, ich weiß et, mich mänchmol ze verston.
Maach de Ling af, Pap: et es Zick kumm loß mich jon.
Et kütt en Zick för uns zwei, wo mer uns verston.

Ich han dich jän, wie de Sonn am Dach un Naaks de Stän‘.
Wie d’r nöchste Morje, dä doh wohl secher kütt.
Och wenn ich mänchmol jet Angs dovör han.
Pap, ich han dich jän, wie de Sonn am Dach un Naaks de Stän.

Schreibe einen Kommentar

This site uses Akismet to reduce spam. Learn how your comment data is processed.