Brings Songtext: Schinnestrang

D’r Ahl dä steit vörm Jadereet un dräump zom Bahndamm hin.
Vum Schwelledanz, vum Schinneleed: 12 Uhr – dat muss hä sin.
D’r Klein dä weiss wat sich do deit, he fingk dä Ahl o.k.
Waat op dä Jäjezoch un jeit.
D’r Fraachzoch kütt öm drei.

Mer packe en, mer packe us, uns Dräum e Levve lang.
Wo wäde mer wol morje sin?
Mer fahre alle op dem selve Schinnestrang.

Su läv dä Ahl allt Johr un Dach un dräump am Bahndamm lang.
Off bliev d’r Enkel üvver Naach; se kumme drop, dann kütt do jet en Jang.
Dann weed jeschwad vun ahle Schüss verzallt, jekiff, jepött.
Un Hobos, Tramper, Indios bevölkere dann de Hött.

Mer packe en, mer packe us, uns Dräum e Levve lang.
Wo wäde mer wol morje sin?
Mer fahre alle op dem selve Schinnestrang.

Em Usland kräch dä Jung ne Bref:
Se dun mich en e Heim!
D’r Ahl dä do öm Hölp ihn reef, verjesse un verdamp allein.
Ze spät, ze spät, hä heelt nit us.
Sei dort ze lang, die Reis.
Die Urn setz Naaks als letzte Jroß dä Jung hösch op et Jleis.

Mer packe en, mer packe us, uns Dräum e Levve lang.
Wo wäde mer wol morje sin?

Mer packe en, mer packe us, uns Dräum e Levve lang.
Wo wäde mer wol morje sin?
Mer fahre alle op dem selve Schinnestrang.

Schreibe einen Kommentar

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.