Category Archives: Album: Hex ’n‘ Sex

Brings Songtext: Dräum‘ nit nur davon

Zick Stunde klopp Rän an de Schieve
Wie lang hät hä de Sonn allt nit jesinn
He em Hingerhoff met bling
Dude Finster un Jeseechter, wie Mure su jrau.
Wenn de Musik vun de Türke in sing Bud klimmp
Föhlt hä Fänwih, su schwer wie Blei.
Sing Jedanke sin lang allt op d’r Stroß
Doch hä lort zom himmel erop.
Vüjel trecke noh Süde
Doch singe Draum trick hingerher
Avver nor bes zom Stadtrand,
Denn will wigger kütt hä nit mer.

    Dräum nit nur davun. Jung, maach et wohr
    De Zick, die bliev nit ston, he Johr för Johr
    Dräum nit nor davun – De Zick die bliev nit ston

Zick Johre hät hä drop jewaat
Op sing Rent un wat danoch kütt
Sing Frau han se im fröh jenomme
Noch immer käuf hä Kätze för et Jrav
Un sät: „Mädche, ich muß dir jet sage
En Zick lang loß ich dich allein
Ich kumme widder un weed dir verzälle
Ich levve dä Draum vun uns zwei.“
Vüjel trecke noh Süde un singe Täsch, die es jepack.
Su seit hä am Bahnhoff, singe Zug, dä fäht jetz aff.

    Dräum nit nur davun …

Wenn de Musik vun de Türke in sing Bud klimmp

    Dräum nit nur davun …

Brings Songtext: Hex ’n‘ Sex

Ne rude Mungk un schwatze Hoor
Bei jedem Kuß, do weed mer klor
Paß op, paß op – die Hex‘ dat se dich nit verletz.

    Treck dich us – röck an mich ran
    An ming Hätz küss du nit dran.
    No ding Fleisch – dat well ich han
    Villeich e bessje mih
    Dat es jet hüher wie di Knee

    Ohu ohu ohu
    Du bes un blievs en Hex
    Ohu ohu ohu
    Un ich well nor dinge Sex – Yeah

Kumm küss mich bes dä Morje kütt
Bei jedem Kuß weed ich verröck
Du häs – häs mich verhex‘ met dingem Sex
Schwad nit lang – et hätt keine Zweck
Bliev bei mer – unger de Deck
Dinge Zoch – dä es allt weg
Jangk nit fott, dat wör‘ jetz schad‘
Denn ich han ’ne Zauberstab

    Ohu ohu ohu
    Du bes un blievs en Hex
    Ohu ohu ohu
    Un ich well nor dinge Sex – Yeah

Kumm röck an mich ran, Klein, un treck dich us
Ich well ding Fleisch, un well nor dinge Sex

    Treck dich us – röck an mich ran
    An ming Hätz küss du nit dran
    Nor ding Fleisch – dat will ich han
    Villeich e bißje mih
    Dot is jet hüher wie di Knee

    Ohu ohu ohu
    Du bes un blievs en Hex
    Ohu ohu ohu
    Un ich well nor dinge Sex – Yeah