Category Archives: Album: Kasalla

Brings Songtext: Et is Schluss

Die Zänkerei un all die fights:
Mer han uns Kaate usjereiz.
D’r joker, dä litt en d’r Sot.
Nor wasser un kei Rettungsboot.

Su wie ne Fesch em jroße Meer.
Schwimm ich eröm, et jeit nit mih.
Wad’op ne Hoke un bieß’an:
Ich jevv’mi Levve dran.

Waat nit op mich, Kind.
Ich kumm‘ hück nit noh Huus.
Mer kriesche, bes d’r Morje kütt:
Et is Schluß.

Bei uns jov et nor Sonnesching.
Den d’r Rän, dä wor nit dren.
Un jov et Rän: Et wor ejal.
Ding Sonn wor üvverall.

Komm ich des Ovends spät noh Huus.
Un kräch de Stivvel‘ nit mih us.
Häs du jesaat, et wör ejal.
Jetz setz ich en d’r Fall.

Waat nit op mich, Kind.
Ich kumm‘ hück nit noh Huus.
Mer kriesche, bes d’r Morje kütt:
Et is Schluß.

Mer kriesche, weil man einfach kriesche muß.

Brings Songtext: Am Engk vun d’r wieße Ling

Kumm, dun mer dä Schlössel und loß mich jon.
Op die andere Sick, wo ming Fründe all ston.
Hör op mich ze warne, halt mich nit zoröck.
Dem ein singe Alpdraum es dem andere si Glück.

Sulang mer uns kenne wollts du mich nie verston.
För dich jov et Jrenze, ich wollt wiggerjon.
Die andere Sick kennt kein Angs vörm Morje.
För ne Fuffi en Welt ohne Trouble und Sorje.

Am Engk vun d’r Wiesse Ling wäde mer sin:
Düvel‘ sin stomm un Engel‘ sin bling.
Am Engk vun d’r Wiesse Ling wäde mer sin:
Düvel‘ sin stomm un Engel‘ sin bling.

Du häs noch ne Foß en d’r Dür zo mingem Hätz.
Ding Wöder sin hatt, schnigge deef wie e Metz.
Och su jet kann helfe, un deiht et och wih.
Unsere Wäch bliev däselve, anders wor et doch nie.

Am Engk vun d’r Wiesse Ling wäde mer sin:
Düvel‘ sin stomm un Engel‘ sin bling.
Am Engk vun d’r Wiesse Ling wäde mer sin:
Düvel‘ sin stomm un Engel‘ sin bling.

Brings Songtext: Kattowitz

Schlote stohn wie Birje en d’r jraue Himmel eren.
Rän driev durch de Stroße. Kei Minsch es he ze sin.
Stohl un Ieser jlöhe, fleeße wie ne Floß.
Schweiß bes en de Stivvel‘, un noh d’r Schich noh Huus.

Un durch de Stroß, do jeit ne Jung.
Dä driht sich hück zom letzte Mol eröm.
Hück Naach süht mer kein Stän‘.
Alles, wat mer süht, es Kattowitz em Rän.

Nie widder. Nie widder. Nie widder noh Kattowitz zoröck.
Nie widder. Nie widder. Nie widder noh Kattowitz zoröck.

Singe Vatter wor eine vun denne, die Andrach op Andrach stelle.
Denn fott un ‚rus he – dat es alles, wat se welle.
Su rut wie de Sonn em Weste, wenn sei d’r Dach noch e beßje hält.
Su rut wor ens sing Hoffnung. Sei broch zesamme sing janze Welt.

Un durch de Stroß, do jeit ne Jung.
Dä driht sich hück zom letzte Mol eröm.
Hück Naach süht mer kein Stän‘.
Alles, wat mer süht, es Kattowitz em Rän.

Nie widder. Nie widder. Nie widder noh Kattowitz zoröck.
Nie widder. Nie widder. Nie widder noh Kattowitz zoröck.

Un durch de Stroß, do jeit ne Jung.
Dä driht sich hück zom letzte Mol eröm.

Och he am Rhing ston Schlote, un d’r Himmel es off jrau.
Ävver doch es alles anders – un dat weiß hä jenau.

Nie widder. Nie widder. Nie widder noh Kattowitz zoröck.
Nie widder. Nie widder. Nie widder noh Kattowitz zoröck.

Brings Songtext: Drachesteije

Op dä jroße Wiese, hinger d`r Autobahn.
Do loßense Drache steije.
Kumm, lor dir dat Spillche ens an.

Wä kütt wal am hühkste? Wä hät de längste Schnor?
Opsteech en Karriere: Zällt dat em Leeve nor?

Uns Drache huh am Himmel.
He unge du un ich.
Jebunge un en Freiheit:
Su maach ich dich.

Drache, die steije, su huh et jeit.
Bes en d`r Himmel- nor wenn d`r Wind jot jeit.
Drache, die steije, su huh et jeit.
Bes en d`r Himmel- nor wenn d`r Wind jot jeit.
Drache, die steije.

Mänchmol sin do zwei, die halde sich för kloch.
Die binge ehr Drache zesamme un hoffe op ne jode Floch.

Doch et jitt och Flaute, un de Winde ston nit jot.
Ehr Drache, zesammejebunge, lande beids en d`r Sot.

Uns Drache huh am Himmel.
He unge du un ich.
Jebunge un en Freiheit:
Su maach ich dich.

Drache, die steije, su huh et jeit.
Bes en d`r Himmel- nor wenn d`r Wind jot jeit.
Drache, die steije, su huh et jeit.
Bes en d`r Himmel- nor wenn d`r Wind jot jeit.

Brings Songtext: Et ränt en d’r Rhing

Die jolde Dächer vum Ludwig sin jrau
un d’r Verkehr dröhnt de Brögge kapott
Dohinge mät einer ne Köpper vum Dom
un ich wünsch ich wör janz wick fott
Un et ränt en d’r Rhing
Un et ränt en d’r Rhing

Die Stroße die kühme un schreie
Jeder es jedem em Wäch
un üvver d’r Drachefels kütt allt widder end ein
vun dä vill ze lange Näch‘
Un et ränt en d’r Rhing

Un et ränt, jo et ränt
ränt en d’r Rhing
Un et ränt, un et ränt en d’r Rhing

Die Möve sin plötzlich janz stell
Nor ne Schlepper hült wie ne Schakal
Minsch, es meer dat alles vertraut
Nor d’r Wing, dä ich drink‘, dä schmeck schal
Un et ränt en d’r Rhing

Un et ränt, jo et ränt
ränt en d’r Rhing
Un et ränt, un et ränt en d’r Rhing

Brings Songtext: Op Tour

Op d’r A3.
D’r Dach es jung. Hä weed noch lang.
Mer ston im Stau vun Kölle bes noh Bonn.
Die Band em Bus dräump vör sich hin beim Motorsang.
Vör Koblenz zeich sich en möde Sonn.

Die Zick es am dröppe. Städtename reihe sich.
Ich ben jet möd un denk‘ an dich.

Mer sin op Tour, un keiner weiss, wie lang et hück noch weed.
Op dä Tour, na na na..

Soundcheck vörbei.
Jetzt fängk et lange Wade an.
Ich ben nervös un jevv‘ et doch nit zo.
Wievill wal kumme, wo kei Minsch uns Sproch he kann?!
Ich denk‘ an dich un föhl‘ e bessje Rauh.

De Jitta hült. Ich ston em Leech vör all dä Lück.
Mi Hätz, dat klopp. Et jeit meer besser Stöck för Stöck.

Mer sin op Tour, un keiner weiss, wie lang et hück noch weed.
Op dä Tour, na na na..

Un noh dem Gig, noh Schwaderei un Bier, en ’nem Hotel schlof‘ ich en.
Ich ben em Draum doheim bei dir.
Doch morje wäde mer op de Strosse widder sin.

Mer sin op Tour, un keiner weiss, wie lang et hück noch weed.
Op dä Tour, na na na…

Brings Songtext: Loß di Hoor eraf

Ich wor am Engk, praktisch janz kapott.
Am Boddem vunner Whiskeyfläsch.
Un han versök widder huhzekumme.
Doch allein jing dat su schläch.

Et deit wih, sich ze beleje.
Die Kneipedör trick mich an wie en Mott dat Leech.
Met jedem Bier versüff mi Jewesse.
Un am Engk ben ich dann widder deech.

Ich jevve zo, dat et jet einfach es.
Wenn ich he römsetz‘, römsetz un op dich wad‘.
Nor weil ich weiß dat du bahl widderküß, un mäs mich he parat.

Loß di Hoor eraf.
Oh, Baby treck mich huh.
Loß di Hoor eraf.
Op dat ich et diesmol schaff‘.

Du frögs mich off, wat en mingem Kopp vörjeit.
Ich dät et sage, sage wenn ich et wöß.
Wie e Labyrinth – un du weiß jenau, dat du nie mih erusküß.

Loß di Hoor eraf.
Oh, Baby treck mich huh.
Loß di Hoor eraf.
Op dat ich et diesmol schaff‘.

Brings Songtext: Levve- Yasamak (Ali)

Brings Songtext: Levve- Yasamak (Ali)

D’r Wind em Land he blös jetz häder.
Ali kumm. Röck an mich ran.
Ich sin die Rune, hör‘ die Wöder.
Ali kumm. Röck an mich ran.

Die lang allt dudjejläuv, die tredde op zuhäuf un tingele röm als Rattefänger jetz.
Du säs: Ne Minsch es doch kein Ratt. Ali dat han mer jehat.

Se künne noch nit wie se welle.
Ali kumm. Jev meer ding Hand.
Noch dun se Jeld un Stemme zälle.
Ali kumm. Jev meer ding Hand.

Jetz jeit hä op, dä Some. Vill, die ze koot he kome.
Di jon dä Häre ens widder op d’r Liem.
Ich sag‘ dä Schuß es froochbar noch, us dem dat domols kroch.

Ävver Ali, mer han doch uns’re Draum.
Mer wolle levve, frei un stark wie ’ne Baum.
Ävver Ali, mer han doch uns’re Draum.

Die falsche Tön, dä dütsche Dudedanz.
Ali, loß mich nit allein.
Dä ahle Spok, dä brunge Ratteschwanz.
Ali, loß mich nit allein.

Denn wenn se dich beim Froß eesch han.
Kumme all die and’re dran Schwule, Demokrate, Linke un och ich.

Ävver Ali, mer han doch uns’re Draum.
Mer wolle levve, frei un stark wie ’ne Baum.
Ävver Ali, mer han doch uns’re Draum.

Brings Songtext: Glück un Leid

De Fläsch es leer. Ich ben am schwanke.
Jedanke rose durch d´r Kopp.
Ich maach´ se us wie en ze helle Lamp.
D´r letzte Schleck, Jung, un dann is Schloss.

Et jitt Saache, do kanns du maache un versöcke, wat du wells.
Do küss du niemols dran, un mihtstens es et jot.
Un wenn se wih dun, Jung, jeis du kapott.

Oh, Glück un Leid.

Noh jedem Dach kütt och en Ovend.
Fläsch, du bes leer, doch ich ben voll.
Jedanke, schwer; se quäle mich eröm.
Ich köpp´ en neue Fläsch un maach´ mich dönn.

Denn Glück un Leid jon Hand in Hand, Jung.
Links un rächs es noch ein frei.
Ein wie e Metz – un die welle mer nit mih.
Un die andere, die es wärm wie di Hätz.
Oh, Glück un Leid.

Se jon nit us; kann nix dran maache.
Meer weed et schläch. Ich ben kalkwiess.
Fall´ en et Bett wie enne schwatze Raache.
Wie Nodelstech et eeschte Sonneleech.

Denn Glück un Leid jon Hand in Hand, Jung.
Links un rächs es noch ein frei.
Ein wie e Metz – un die welle mer nit mih.
Un die andere, die es wärm wie di Hätz.
Oh, Glück un Leid.

Do kann ich maache, wat ich well.
Mer spille all et selve Spill.
Saach: Wä deilt de Kaate us, he en dem Kaatehuus?

Denn Glück un Leid jon Hand in Hand, Jung.
Links un rächs es noch ein frei.
Ein wie e Metz – un die welle mer nit mih.
Un die andere, die es wärm wie di Hätz.
Oh, Glück un Leid.

De Fläsch es leer.
Ich ben besoffe.
Un wad´ op et eeschte Sonneleech.

Brings Songtext: Nix is verjesse

Brings Songtext: Nix is verjesse

Die scheife Tön, vun dinger eeschte Jitta.
Jäje de Wäng vun dem Hingerhoff.
De Nohberslück schänge bovven am Finster.
Du woß jenau: Dat jitt widder Zoff.

Du moots sei han, dieselve Jitta wie dä dude Hippie an dinger Wand.
De Mamm hät d’r letzte Penning jejovve.
Nit eimol em Levve hät sei dich verkannt.

Un en d’r Schull wor dat och nit anders.
„Hät keine Zweck!“ han se d’r Mamm jesaat.
„Ne flinke Finger, doch em Kopp jet langsam.“
Su han se ding Muse he plattjemaat.

Nix is verjesse. Nix is vörbei.
Wat et och es – ehr sid immer noch zwei.
Un wenn du hück ding Jitta spills, es de Mamm met dobei.
Nix is verjesse.

Do jov et nor eins – dat es: Spille! Spille!
Bes dat de Finger blodich sin.
D’r Pap es am floche un de Mamm am laache.
Wat et och wor: Sei kräch et immer hin.

Vill ze fröh wood sei üch jenomme.
Et moot wiggerjon, och ohne de Mamm.
D’r Pap es allt lang nit mih am schänge.
Villeich es ör Zick jetz dran.

Nix is verjesse. Nix is vörbei.
Wat et och es – ehr sid immer noch zwei.
Un wenn du hück ding Jitta spills, es de Mamm met dobei.
Nix is verjesse.

De Mamm hät sich vör dich jestallt.
Wat et och wor – sei hät nit lang verzallt:
„Minge Jung hät immer Räch. Wie och anders? De Welt es schläch!“
„Minge Jung hät immer Räch. Wie och anders? De Welt es schläch!“

Nix is verjesse. Nix is vörbei.
Wat et och es – ehr sid immer noch zwei.
Un wenn du hück ding Jitta spills, es de Mamm met dobei.
Nix is verjesse.