brings Songtext: Et Wasser vum Rhing

Luur uns an jetzt ston mer he
mit dem Rügge an d’r Wand
jet blass im Jeseech
un nix in d’r Hand

Noh uns die Sinflut, han mer uns jedaach
un in et jemaate Bett jelaat
mer woren uns für nix zu schad
denn mer wisse jo, denn mer wisse jo

Et Wasser vum Rhing,
wäscht die Sünde uns fott
Et Wasser vum Rhing,
kütt direkt vum leeve Jott

Mer han alles jenumme
bezahlt han mer nie
en jrosse Schnauz un nix dohinger
zum Schluss jing janix mieh
mer han nix jeändert, nur Laber un Verzäll

die Quittung, die kütt un zwar schnell
mer sin allein, denn Fründe han mer kein
Doch mer wisse jo, doch mer wisse jo

Et Wasser vum Rhing,
wäscht die Sünde uns fott
Et Wasser vum Rhing,
kütt direkt vum leeve Jott

Nimm all uns Saache, un schmiess se in der Fluss
schick unser Sünde ne allerletzte Jross
dreckig Wasser, määt die Siel uns widder clean
desswäje kumme mer he immer widder hin

Schreibe einen Kommentar

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.