Brings Songtext: Jift im Blood

Du nimms mir ming Angst
mit dir is et su leicht
brichs ming Ketten entzwei
määs mich frei – hück Naach
Die Zick bliev einfach ston
ich fang ze fleje an
loor op die Welt unger mir

ich schenk se dir – hück Naach
Sitz he un waad op dich
du küss doch sicherlich
du häs et mir jesaat
Bin nur ne halve Käl
der nit mieh denke kann
wann küss du endlich an

Du bis wie Jift in mingem Blot
un dat deit unendlich jut
Du bis wie Jift in mingem Blot
un dat deit unendlich jut
Jetzt is et ze spät
ich werd dich nit mih los
ich häng an dir dran
du määs mich an – hück Naach

se han mich all jewarnt
doch mir war et ejal
wat als nächstes kütt
et jit kein zurück – hück Naach

Jetzt zeichs du di Jeseech
un dat is widderlich
ich han mir an dir verbrannt
Ich han et nie kapiert
bin fast dran krepiert
wör besser fottjerannt

Du bis wie Jift in mingem Blot
un dat deit unendlich jut
Du bis wie Jift in mingem Blot
un dat deit unendlich jut
Jetzt is et ze spät
ich werd dich nit mih los
ich häng an dir dran
du määs mich an – hück Naach

Schreibe einen Kommentar

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.