Brings Songtext: Nix för lau

Du kanns kriesche oder laache. Du kanns schänge.
Nix dran maache. Et es wie et es, un et bliev och esu.

Du bes nor dat wat du häs, Mann. Es dat ze winnich bes du schläch dran.
Et es wie et es, Dach för Dach.

Wohin du och jeis, un wat du och deis. Du muß berappe.
Du bes ne jode Käl di Hätz es jroß. Ävver maach dir nix vör. Et zällt dat eine bloß:

He jitt et jar nix, nix för lau.
Wat meins du wo mer he sin, Jung?
Jar nix, nix för lau.
Se maache her en jroße Show.

Schon morjens fängk dat Spill an. Ohne Kleinjeld küß du nie dran.
Du blievs ston wo du bes, un du kriß allt Scheß.

Un am Ovend weed et schlemmer, ohne Jeld nix vun dem Jlemmer.
Drenne es Levve un du blievs drusse ston.

Zeich wat du häs, leg‘ et cash op d’r Desch. Ich well et sin, Jung.
Se trecke dich us un fringe d’r letzte Penning us dir erus.

He jitt et jar nix, nix för lau.
Wat meins du wo mer he sin, Jung?
Jar nix, nix för lau.
Se maache her en jroße Show.

One Response to Brings Songtext: Nix för lau

  1. […] Nix för lau (3:50) Songtext 2. Nix is verjesse (4:26) Songtext 3. Glück un Leid (4:50) Songtext 4. Levve – Yasamak (Ali) […]

Schreibe einen Kommentar

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.