Brings Songtext: Puddelrüh

Laach nit su laut, uch du bes dran
gläuv mir, dat dort nit mih lang
loor dich üm, se danze rüm
un packe sich uch an
ne Kuss von dir so söß wie Wing
un jeder mäht he wat hä will
drink e Glas un danz met mir
mach hösch un nit ze vill
Sorje un Nut, die suffe mer hück dut
gläuv mir, mer zwei, hück Naach do sin mer frei

Wo sin die her, wat es he los
sach sin die von hier
puddelrüh, ne nackte Balsch
op einem Haufe vier
se packe sich unger de Röck
uch ich han dich em Ärm
wie de Diere han se sich
uns weed et langsam wärm

Sorje un Nut, die suffe mer hück dut
gläuv mir, mer zwei, hück Naach do sin mer frei

Jetz es et still, mer sitze he knutschend vör‘ m Zelt
ding Auge strahle du sähs leis, dat et dir jefälh
su wanke mer en die Naach, nor d’r Mond kütt met
keiner weiß, wat jetz passeet, doch schlofe dun mer nit

Sorje un Nut, die suffe mer hück dut
gläuv mir, mer zwei, hück Naach do sin mer frei

One Response to Brings Songtext: Puddelrüh

  1. […] Intro: E pa Wöder för et Hätz (0:26) 2. Puddelrüh (2:33) Songtext 3. Ich bin frei (4:36) Songtext  4. 90 Johr (4:30) Songtext 5. Wohin? (4:23) Songtext 6. Für nix […]

Schreibe einen Kommentar

This site uses Akismet to reduce spam. Learn how your comment data is processed.